Era um vej
máscara.
Máscara tava vivê má céu
e má terra.

Tam-tam-tam-tam-tam

Máscara tava dançá
má lua,
má estrela e má sol.

Tam-tam-tam-tam-tam

E kond terra
fazê el mêsm de nôj,
kond vales,
florestas e montanhas
destacá ne horizont,
kond água de kej lagos,
rios e mares
envolvê natureza
e kond animais txegá
um por um,
kel máscara txi
pé mei de kej home e de kej amdjer
e ej dançá tud junt.

Tam-tam-tam-tam-tam

Tambores sagrod e kontes ritmods
pé celebrá aligria e flicidad,
má também pé apagá
tristeza e sofriment.

Tam-tam-tam-tam-ta

Versos do poema de Véronique Tadjo (Falas Afrikanas)
Tradução José Pinto
Revisão Márcia Freitas